Engade maxia e movemento ao teu evento
En festivais, aniversarios ou xornadas culturais: o circo transforma o espazo e sorprende. Deseñamos propostas personalizadas para facer do teu evento algo único.
Espazos de xogos de circo
Un espazo de xogo de acceso libre para crianzas e familias, con materiais dispoñibles para practicar malabarismo (panos, pelotas, mazas, diábolos, flower stick, pratos chineses, aros, sombreiros…) e equilibrismo (barril, cable, rola-bola, bola de equilibrio, slackline, monociclo, zancos…).
O público accede libremente e o número de participantes é ilimitado. Unha ou varias monitoras ou monitores acompañan e supervisan a actividade.
Obradoiros para crianzas e familias
Eventos de empresa con circo
Propoñemos actividades de circo para que o teu evento de empresa —xa sexa unha celebración, unha xornada de team-building ou outro tipo de encontro— sexa orixinal e diferente. A diversión e a maxia están aseguradas!
Adaptamos a actividade aos obxectivos do teu evento: fomentar a cohesión de grupo, traballar habilidades intrapersoais, mellorar a autoestima, crear un espectáculo temático ou simplemente pasar un bo momento en equipo.
Cumpreanos e festas
Propoñemos actividades de circo para que a túa festa de aniversario (ou da túa filla ou do teu fillo) sexa orixinal e diferente. A diversión e a maxia están aseguradas!
Ofrecemos dúas opcións:
- Malabarismo (panos, pelotas, mazas, diábolos, flower stick, pratos chineses, aros, sombreiros…)
- Malabarismo + Equilibrismo (barril, cable, rola-bola, bola, slackline, monociclo, zancos…)
Actualmente, Atípico Circo non dispón de espazo propio, pero dispón do espazo da Morada, en Vigo, para celebrar os teus aniversarios os sábados e domingos. Tamén podemos desprazarnos e adaptarnos ao lugar que elixas para organizar a festa (sala, casa, monte…)
Imaxinemos entre todas e todos un evento único!
Sexa un festón, unha xornada de empresa ou unha actividade familiar, levamos o circo alí onde ti queiras. Nós poñemos o espectáculo, ti só trae as ganas.